Спявак · мультыінструменталіст · этнограф
Традыцыйная музыка Беларусі і Палесся. Колавая ліра і больш за 20 дудак.
Запрасіць на канцэрт
МузыкаАўтарскія і традыцыйныя песні, кліпы і выступы
Кнігі і выданніСпеўнікі і запісы мужчынскіх песень Палесся
ПраектыTRIO VALADAR, дуэт з Ясінскім, КАСАРЫ, рэзідэнцыі
Пра яго
Сяржук Доўгушаў — беларускі спявак, мультыінструменталіст, этнограф, збіральнік фальклору і арт-менеджар. Жыве паміж Варшавай і Чыкага і гастралюе па ўсім свеце.
Паходзіць з вёскі Новае Тарчылава на Аршаншчыне. У 2010 годзе скончыў Беларускую дзяржаўную акадэмію музыкі (вакал, клас Н. А. Губскай) і стаў салістам Белдзяржфілармоніі: оперныя партыі — у тым ліку Ян у «Латарэі» Манюшкі, — арыі і рамансы Баха, Мусаргскага, Чайкоўскага, Рахманінава, Шастаковіча, Брытэна, Шуберта. Гастраляваў з тэатрам А. Рэнсанса па Літве і Латвіі. У 2018 годзе атрымаў стыпендыю Міністэрства культуры Польшчы Gaude Polonia і паўгода жыў у Варшаве, вывучаючы колавую ліру пад кіраўніцтвам прафесара Пятра Дахліга.
Гадамі запісвае палескі фальклор у экспедыцыях. Грае больш чым на 20 народных духавых інструментах і на колавай ліры, сам робіць драўляныя дудкі. Піша музыку на вершы Уладзіміра Караткевіча, Анатоля Сыса і іншых паэтаў.
Выступаў у Польшчы, Літве, Латвіі, Германіі і Нідэрландах, а з 2017 года — у ЗША і Канадзе: ад Бостанскага каледжа і Чыкагскага ўніверсітэта да калядных і купальскіх фестываляў беларускай дыяспары. З лекцыяй-канцэртам пра беларускую народную культуру ён аб’ехаў штаты ЗША, Канаду і еўрапейскія сталіцы.
Інструменты
Колавая ліра і народныя духавыя — дудкі, жалейкі, акарыны, сапілкі. Частку з іх Сяржук робіць сам. На лекцыі-канцэрце ён паказвае іх і расказвае пра беларускую песенную традыцыю.
Струны гучаць ад кола, якое круціць ручка; бесперапынны бурдон пад мелодыю.
Драўляная народная флейта — асноўны пастуховы інструмент.
Дзве трубкі, якія гучаць разам: мелодыя і бурдон адначасова.
Язычковы інструмент з рагавым раструбам і пранізлівым гукам.
Сасудападобная флейта з мяккім, круглым гукам.
Падоўжная флейта з дзюбкай, вядомая па ўсім усходнеславянскім абшары.
Еўрапейская падоўжная флейта — мост паміж народнай і старадаўняй музыкай.
Усяго — больш за дваццаць народных духавых інструментаў.
Праекты
Belarus · Poland · Polesia · Est. 2026
Trio
Archaic songs and powerful male voices
from Belarus, Poland and Polesia
Three voices · One old song
Sung the way it was sung for centuries.
Новы праект Сяржука Доўгушава: тры мужчынскія галасы і архаічнае шматгалоссе Беларусі, Польшчы і Палесся. Для канцэртных залаў, фестываляў world, folk і старадаўняй музыкі, цэркваў і музеяў.
Запрасіць TRIO VALADAR
Дуэт
Голас, народныя духавыя і колавая ліра — і акардэон. Першы агульны канцэрт адбыўся ў Белдзяржфілармоніі 14 чэрвеня 2017 года.
Аляксандр Ясінскі — акардэаніст, кампазітар і музычны прадзюсар родам з Баранавіч. Вучыўся ў Мінску (Рэспубліканскі музычны каледж, БДАМ) і ў Празе (кансерваторыя, HAMU) — акардэон, дырыжыраванне, гукарэжысура, кампазіцыя. З 2011 года жыве ў Празе, лаўрэат шматлікіх конкурсаў.
Акардэон без стылявых межаў: класіка з аркестрамі Беларусі, Чэхіі і Славакіі, джаз, рок, электроніка, танга, балканская музыка, музыка для кіно і тэатра. Яго інструмент гучыць больш чым на 20 альбомах; сольны альбом «Hlybini» (2022). Канцэрты — ад Еўропы да Кувейта і Паўднёвай Карэі.
Варшава · з 2023
Мужчынскі спеўны гурт, які Сяржук стварыў у снежні 2023 года, каб вярнуць традыцыю беларускага мужчынскага спеву. КАСАРЫ зняліся ў 3-м сезоне серыяла Netflix «1670» (казакі, 2-я серыя).
Рух сумеснага спеву
Спевы, танцы і застолле для ўсіх ахвочых. Ад Мінска — да Варшавы, Гданьска, Вроцлава, Рыгі, ЗША і Канады.
Выданні
Рэзідэнцыя · Варшава
Творчая рэзідэнцыя і фонд, у тым ліку падтрымка былых палітвязняў праз спевы.
Варшава
Месца, дзе гучаць мужчыны. Канцэрты, майстар-класы, навучальныя групы і індывідуальныя сесіі.
З 2019 · Беларусь — Украіна — ЗША
Фолк-альянс беларускай, украінскай і апалачскай традыцый — з Брэтам Хілам і Бенджамінам Сцюартам (Hill Spirits, Агаё) і музыкамі львоўскага гурта Torban. Першы канцэрт — у Львове, альбом запісаны ва Украіне ў 2021 годзе; дакументальны фільм «The Road to Slavalachia» быў намінаваны на ADAMI Media Prize.
З 2020
Трыо з Маргарытай Ляўчук і Іванам Кірчуком. Кліп «Lito», прысвечаны жніўню 2020 года, і купальская песня «Царкоўка».
З 2018 · Чыкага
Праграма з Аляксам Кофманам (скрыпка) і Таняй Меламед (фартэпіяна, вакал): беларускія, украінскія, яўрэйскія, польскія, цыганскія і балканскія песні і мелодыі.
2026 · Вільня — Клайпеда
Міжнародная музычная рэзідэнцыя для музыкаў з Літвы, Беларусі і Швецыі: сем дзён сумеснай творчасці ў Вільні і Клайпедзе, музыка як сродак устойлівасці супольнасці і дэмакратычнага выказвання. Фінальны канцэрт сусветнай музыкі адбыўся 16 жніўня 2026 года ў Herkus Kantas (Клайпеда). Праграма Creative Communities Acceleration Program, фінансаванне — Шведскі інстытут.
Раней
Vuraj · Isna Trio · Fratrez · Harmonic style project · дзіцячая праграма «Чароўны край»
Абрадавыя святы
Сяржук Доўгушаў як вядоўца праводзіць усю праграму ад пачатку да канца: абрады, песні, гульні. Госці не проста глядзяць на свята, а самі становяцца яго ўдзельнікамі.
Лета
Купальскія абрады, песні, карагоды і гульні, якія вядзе Сяржук. Свята збірае і беларусаў, і гасцей, якія трапляюць на яго ўпершыню.
Летам 2022 года ён правёў купальскі тур па чатырох гарадах ЗША, а ў 2025-м Купалле з ім прайшло ад Падляшша да ваколіц Сіэтла і Таронта, дзе летні сезон завяршыўся ў цэнтры «Слуцк».
Зіма
Калядная Зорка, Мядзведзь, Жораў і Каза, калядныя песні, колавая ліра і дудкі, зімовыя гульні, сумесны спеў і святочны пачастунак.
У студзені 2022 года калядная праграма прайшла па дзевяці штатах ЗША. Тур 2024–2025 гадоў пачаўся ў Капенгагене, працягнуўся ў Вільні, Рызе і Таліне, а потым у ЗША: Нью-Ёрк, Сіэтл, Сан-Хасэ, Х’юстан, Осцін, Тампа і іншыя гарады.
Каляды · старадаўняя гульня
Калядная гульня з Падзвіння і Паазер’я: жартоўнае вяселле з сапраўднымі вясельнымі звычаямі, карагодамі, песнямі і танцамі. Некалі так знаёмілі нежанатую моладзь, таму сёння на свята можна прыйсці і парай, і аднаму.
Сяржук вёў «Жаніцьбу Цярэшкі» ў Мінску і ў Таронта. Гульню можна ўключыць у калядную праграму або замовіць як асобны вечар са святочным сталом.
Замоўце правядзенне Купалля або Каляд для вашай суполкі, фестывалю, школы ці пляцоўкі — ад 10 да 500 чалавек.
Замовіць святаЧытаць: Belsat Reform.news Belarusian Canadian Alliance spevy.org
Навучанне
Сяржук выкладае з 2010 года. Індывідуальныя заняткі па голасе, дудках і колавай ліры праходзяць анлайн па ўсім свеце і афлайн у Польшчы, групавыя заняткі для мужчын — у Варшаве.
У 2013 годзе Сяржук заснаваў у Мінску вакальную школу Free Voice Studio і стварыў аўтарскі курс «Прыродны голас», які дапамагае знайсці свой натуральны голас. Паглядзець заняткі школы
Індывідуальна · анлайн і афлайн
Заняткі па голасе паводле аўтарскага курса «Прыродны голас»: як знайсці свой голас і асвоіць асновы вакальнай і гукавой тэхнікі.
Запісацца
Індывідуальна · анлайн і афлайн
Гра на беларускіх народных духавых інструментах у майстра, які сам робіць дудкі.
Запісацца
Індывідуальна · анлайн і афлайн
Індывідуальныя заняткі на колавай ліры: ад першых гукаў да ігры песень.
Запісацца
Група · Варшава
Групавыя заняткі для мужчын у Студыі мужчынскіх спеваў: традыцыйны спеў разам.
ЗапісаццаЗапоўніце анкету, і мы звяжамся з вамі, каб узгадніць час і фармат.
Відэа
Для СМІ
Фота высокай якасці для публікацый, анонсаў і афіш. Націсніце, каб паглядзець, або спампуйце файл.
Спампаваць усе фота (ZIP, 42 MB)
СМІ
Букінг
Ад канцэртнай залы да ўніверсітэцкай аўдыторыі і вясковага свята. Раскажыце пра вашу пляцоўку — прапануем адпаведны фармат.
Архаічнае мужчынскае шматгалоссе. Канцэртныя залы, фестывалі world, folk і старадаўняй музыкі, цэрквы, музеі.
Голас, народныя духавыя і колавая ліра + акардэон.
Пра беларускую народную культуру і песенную традыцыю з паказам 20+ інструментаў. Ужо аб’ехала штаты ЗША, Канаду і еўрапейскія сталіцы. Універсітэты, музеі, бібліятэкі, культурныя цэнтры.
Мужчынскае шматгалоссе.
Інтэрактыўны вечар спеваў, танцаў і застолля.
Купалле, Каляды (Зорка, Мядзведзь, Каза, Галка), Жаніцьба Цярэшкі, Юр’е і іншыя. Ад 10 да 500 чалавек.
Традыцыйнае вяселле або вяселле-фэст.
Ігра на колавай ліры · беларускія традыцыйныя песні · беларускія мужчынскія традыцыйныя песні · дзіцячыя праграмы.
Вечары з выданнямі «Традыцыі» — з жывымі спевамі.
Адкажам на працягу некалькіх дзён. Калі зручней — патэлефануйце.
Букінг і менеджмент — Віялета.
